Pagsusuri ng mga Piling Maikling Kuwento Ni Genoveva Edroza Matute: Mungkahing Disenyo Ng Aralin

Abstract

Ang pag-aal ay pinamagatang Pagsusuri sa mga Piling Maikling Kuwento ni Genonveva Edroza Matute. Ang pag-aaral ay nakaangkla sa Teoryang Kognitibo ni Piaget (1936), at Teoryang Constracutctivist ni Bruner (2001). Ito’y naglalayong masuri ang sumusunod na katanungan: Ano ang kabuluhang tampok batay sa mga elemento? Nagkaroon ba ng katangiang nangingibabaw sa paglalahad batay sa mga elemento? Ano ang mga pagpapahalagang moral at kultural ang nangibabaw? Ano ang implikasyon ng mga kinalabasan sa kasanayan sa mataas na antas na pag-iisip? Kwalitatibong pananaliksik ang ginamit kung saan panunuring pangnilalaman ang paraan sa gagawing pag-aaral. Mga natuklasan sa ginawang pagsusuri sa mga piling maikling kuwento batay sa mga elemento. Halos magkakaulad ang daloy ng paglalahad ng mga nasabing akda. Sa paaralan ang karamihang tagpuan sa akda. Gumamit ng iba’t ibang simbolo ang ang mga sinuring akda. Ang tao laban sa sarili ang kadalasang naging tunggalian. Natuklasan sa ginawang pagsusuri sa mga pagpapahalagang moral ay ang pagkakaroon ng positibong pananaw sa buhay sa kabila ng mga suliraning kinahaharap. Hindi dapat mawalan ng pag-asa sa buhay, at nasa ating kultura ang maging maparaan sa paghahanap ng kalutasan sa bawat problemang pinagdadaanan. Mayroong makabuluhang tampok sa mga piling maikling kuwento batay sa mge elementong pampanitikan. Ang katangiang nangingibabaw sa estilo ng paglalahad ay ang paggamit ng simbolismo upang malinaw na maipapahayag at maipapaliwanag ang katotohanan ng buhay ng tao. Ang mga pagpapahalagang moral na nangibabaw sa kuwento ay mga positibong pananaw. Ang mga pagpapahalagang kultural tulad ng Pagsasabi ng Problema, Pagkalimot, Pagkapit sa patalim, pagsisisi, pagpapahalaga sa pamilya, awa at pagtulong sa kapwa ay bahagi na ng ating kulturang Pilipino. Batay sa nabuong konklusyon nabuo anga rekomendasyon. Bigyang-pansin sa mga kuwentong natipon ang mga pagpapahalagang moral at kultural upang mas lalong maunawaan at mapagpatibay ang mga ito na kasasalaminan ng lahing Pilipino. Gamitin bilang kagamitang pantulong sa pagtuturo ang awtput ng pag-aaral sa pagtuturo sa asignaturang Filipino.