Roli i Kishës Ortodokse Serbe në dëm të çështjes së Kosovës (1912-1999)

Abstract

Punimi “Roli i kishës ortodokse serbe në dëm të çështjes së Kosovës nga viti 1912 e deri në vitin 1999”  paraqet një studim lidhur me institucionin shumë të fuqishëm të gjithë historisë së popullit serb. Fjala është për kishën ortodokse serbe, e cila pa dyshim mbetet një nga katër faktorët më të fuqishëm që historikisht e kanë dëmtuar çështjen e Kosovës dhe shqiptareve në përgjithësi. Kisha serbe është bashkëpunëtore me pushtetin serb në masakrimin, gjenocidin dhe etnocidin serb mbi shqiptarët, nga viti 1912 deri në ditët e sotme. Me bekimin e kishës, paramilitarët serbë, si dhe me mbështetjen e  policisë dhe të ushtrisë, vranë dhe masakruan mijëra shqiptarë. Me strategjinë e tokave të djegura, së pari i plaçkitën dhe rrafshuan për tokë qindra fshatra në periudhën e ripushtimit të Kosovës në vitin 1918. Në këtë artikull do të trajtohet ekstremizmi ortodoks serb ndaj shqiptareve te motivuar nga kisha, si dhe shpërnguljet e dhunshme që janë bërë, po ashtu do të trajtohet edhe me argumente shkencore roli i saj përgjegjës në gjenocidin ndaj myslimaneve te Ballkanit, ku ajo ishte bashkëpjesëmarrëse në hartimin e shumicës nga 32 programet Serbe për gjenocid ndaj shqiptarëve. Kontributi i saj në nxitjen e fashizmit serb është shumë i madh gjatë tërë historisë, sidomos gjate luftërave te fundit në Ballkan, ajo ishte motivuese e kriminelëve kryesorë serbë gjatë luftërave ne Ballkan, dhe se lufta e saj për mbrojtje e ortodoksizmit, siç e quanin ata ishte shfaqur në vazhdimësi.