The oxygen consumption rates of different life stages of the endoparasitic nematode

Abstract

Die suurstofverbruikskoers (VO2) van die endoparasitiese nematode Pratylenchus zeae versamel vanaf mieliewortelkulture is gemeet met behulp van ’n Cartesiese duiker. Die metings met die duiker wat uit Perspex gemasjineer is, berus in beginsel op manometriese veranderinge van die duiker in ’n flottasiebuis van ’n manometeropstelling.Die gemiddelde VO2van 10 metings per lewenstadium, uitgedruk in nanoliters per uur per lewenstadium van nie-anhidrobiote (eiers: 7.96; jeugstadia: 6.13; volwassenes: 26.04) is vergelyk met die van post-anhidrobiote, 12 uur na herstel uit anhidrobiose. Die gemiddelde VO2van die post-anhidrobiote vir die drie lewenstadia (eiers: 19.34; jeugstadia: 14.17; volwassenes: 32.86) is statisties betekenisvol hoer in vergelyking met die van nie-anhidrobiote. Die redes vir die verskil in VO2 waardes word bespreek. Die VO2 is ook uitgedruk in nanoliter per uur per mikrogram volwasse nematode na toepassing van ’n vergelyking verkry uit die literatuur. Dit is gevind dat die suurstofverbruik per een gram P. zeae 503 keer meer is as die suurstofverbruik per een gram soogdier die grootte van ’n volwasse bees.