As claves do contexto histórico-artístico na Compostela do cambio de século (XIX-XX) a través das artes industriais: o caso da pratería

Abstract

Este artigo explora cinco elementos que escollimos como representativos do panorama artístico de Santiago de Compostela entre finais do século XIX e comezos do XX, cando o contexto histórico e económico favorable motivou certos cambios que distinguen a arte deste momento da dinámica decimonónica anterior. En base á segunda inventio apostólica, a institucionalización da aprendizaxe dos oficios, o auxe das exposicións rexionais, o historicismo neomedieval e a construción da identidade nacionalista, pretendemos explorar que relación teñen estes factores coas artes industriais –o noso obxecto de estudo– e como estas son un claro espello do seu contexto artístico e estético.