Por unha España republicana e democrática. Renovación identitaria e disenso simbólico na Galicia da Segunda República (1931-1936)

Neste traballo abordarase o proceso de renovación da identidade nacional española que os republicanos se propuxeron acometer dende o seu acceso ó poder en 1931. Concretaremos esta renovación na substitución do vello corpus simbólico oficial por outro capaz de representar e difundir os novos valores, así como as súas relacións cos propios dos aliados do réxime republicano e o dos seus máis reaccionarios opositores. Pese ó carácter accidentado da substitución -brevidade do réxime, necesaria conciliación cos emblemas propios dos aliados do republicanismo ou férrea oposición da dereita antirrepublicana cada vez máis reaccionaria- esta non supuxo o fracaso completo da renovación identitaria. Ao contrario, a conciencia cívica que se viñera xestando desde finais do século XIX e que posibilitara a chegada da democracia a España nos anos trinta, manteríase entón e incluso medraría, a pesar dos intentos de contela por medio dun golpe de Estado, una guerra e unha longa ditadura.