ENERJİ SEKTORUNUN İNFRASTRUKTUR KOMPLEKSİNDƏ TEXNİKİ TƏNZİMLƏMƏNİN TƏHLİLİ VƏ TƏKMİLLƏŞDİRİLMƏSİ

Məqalədə Azərbaycan Respublikasının enerji sektorunun infrastruktur kompleksində texniki tənzimləmənin mövcud tətbiq sferasının təhlili və təkmilləşdirilməsi məsələləri geniş tədqiq olunur. Araşdırma obyektinin aktuallığının və məzmununun analitik açılışı üçün enerji sektorunun infrastruktur kompleksində gedən inkişaf meyilləri təhlil olunur və bu sferada texniki tənzimləmə institutunun tətbiq effektivliyi əsaslandırılır. Aparılan təhlil və qiymətlədirmələr milli enerji sektorunun hər iki həlqəsi - “enerji resurslarının hasilatı və istehsalı” və “elektrik və istilik enerjisinin yaradılması, ötürülməsi və paylanması” sahələrini ayrı-ayrılıqda əhatə edir. İşin nəticəsi olaraq göstərilir ki, respublikada texniki tənzimləmənin tətbiqi üçün artıq ilkin şərtlər müəyyən edilmiş və müvafiq normativ-hüquqi baza formalaşdırılmışdır. İndiki məqamda isə texniki reqlamentlərin hazırlanmasını təmin edən mərhələyə keçid edilməli və beynəlxalq təcrübəyə uğun olaraq müvafiq istiqamətdə geniş institusional islahatlar aparılmalıdır. Bunun üçün isə yeni trend və çağırışlardan irəli gələrək, enerji sektorunun infrastruktur kompleksində və ümumən bütün digər sferaları da əhatə edən əlahiddə texniki tənzimləmə strategiyası işlənilməlidir. Açar sözlər: iqtisadi inkişaf, enerji sektoru, infrastruktur kompleksi, texniki tənzimləmə, effektivlik.