BUSCADORES DE ELEMENTOS, CONSTRUCTORES DO SISTEMA PERIÓDICO

Abstract

No ano 1869, hai cento cincuenta anos, Dimitri Mendeleiev publicou unha táboa periódica dos elementos quı́micos que, desenvolta e refinada, é, quizá, unha das leis cientı́ficas que exerceu máis influencia. A táboa, que ocupa un lugar preeminente no estudo da quı́mica, é unha das ideas máis frutı́feras da ciencia moderna, quizá comparable coa teorı́a de evolución de Darwin ou coa teorı́a da tectónica global. A diferenza da mecánica de Newton, non foi desmentida pola fı́sica moderna e, a pesar dos profundos cambios habidos na ciencia durante o séculos XX e XXI (pénsese na teorı́a da relatividade e na mecánica cuántica), a estrutura básica da táboa non sufriu unha transformación radical, senón que se adaptou e madurou. Sinalemos algúns sabios que interviñeron na súa construción, sen esquecernos dos que, previamente, buscaron e acharon os distintos elementos quı́micos.