O VALOR DA PRESIÓN ESTÁNDAR RECOMENDADO POLA IUPAC E AS SÚAS IMPLICACIÓNS NA DIDÁCTICA DA QUÍMICA

Abstract

Desde 1982 a IUPAC (International Union of Pure and Applied Chemistry) recomenda para a presión estándar o valor de 105 Pa (=1 bar). Ata ese momento o valor habitualmente empregado era 101325 Pa (=1 atm). A IUPAC recolle ası́ mesmo o termo “normal” -por exemplo en expresións como temperatura de ebulición normal- para referirse ao valor da magnitude a unha presión de 101325 Pa (=1 atm). Os conceptos de presión estándar e presión normal son confundidos en moitos libros de texto de secundaria e mesmo de nivel universitario publicados con posterioridade ao ano 1982. Unha imprecisión frecuente é a de seguir asumindo como valor estándar da presión 1 atm no lugar de 1 bar. Pese a que ambos valores non son moi diferentes isto conleva a diferenzas non sempre desprezables cando se calculan por exemplo volumes de gases ou constantes de equilibrio termodinámicas.