ANTAS NG KASANAYAN SA WASTONG PAGBABAYBAY SA KAPANGAN NATIONAL HIGH SCHOOL

Ang layunin ng pananaliksik na ito ay ang malaman at mabatid kung ano ang antas ng kasanayan sa wastong pagbabaybay sa Kapangan National High School. Ang sinabing pananaliksik ay sumailalim sa kwasi-eksperimental na pamamaraan at gumamit ng paglalarawang pagsisiyasat. Ang pananaliksik ay na ito ay isinagawa sa Kapangan National High School na may kabuuang bilang ng tagatugon na apatnapu (40) na mag-aaral mula sa nasabing paaralan at hinati sa dalawang pangkat – ang pangkat ng kontrol at pangkat ng eksperimental. Nagbigay ang mga mananaliksik ng pretest sa dalawang grupo at pagkatapos na magawa ang mga interbensyon sa pangkat ng eksperimental ay ibinigay ang posttest at pinagkumpara ang resulta. Ang antas ng kasanayan sa pagbabaybay ay napabuti sa mga pangkat ng kontrol at pangkat ng eksperimento. Gayunpaman, mapapansin malaking pagtaas ng kasanayan ng pangkat ng eksperimento. Batay sa naging resulta, iminumungkahi ang paggamit ng mga estratehiya tulad ng mga laro, puzzle, malinaw na mga tuntunin sa pagbabaybay at pagsasanay upang makatulong sa mga mag-aaral na mapabuti ang kanilang mga kasanayan sa pagbabaybay.