Álvaro Cunqueiro, poeta de infinitas voces

Durante as tres décadas que pasaron entre Dona de corpo delgado e Herba aquí ou acolá Álvaro Cunqueiro, que sempre se considerou ante todo poeta, non deixou de publicar versos de seu. Fíxoo en publicacións peródicas, sobranceiramente no Faro de Vigo, onde ademais de anosar poesía universal de toda terra e tempo e de nos agasallar con poemas asinados por el ou os seus pseudónimos de cabeceira, tamén deu en crear unha tribo de autores espectrais, poetas apócrifos ou alófonos fantásticos. Esoutras voces que puxeron en circulación un modelo poético fóra de toda centralidade na poesía de posguerra pero que agromou con esplendor nas décadas seguintes